ករណីគ្រោះថ្នាក់ចរាចរណ៍មួយកើតឡើង រវាងម៉ូតូនិងម៉ូតូ នៅចន្លោះគីឡូម៉ែត្រលេខ១៣៨/១៣៩ លើផ្លូវជាតិលេខ០១
(ស្រុកស្វាយទាប)÷
មានករណីគ្រោះថ្នាក់ចរាចរណ៍មួយកើតឡើង រវាងម៉ូតូនិងម៉ូតូ នៅចន្លោះគីឡូម៉ែត្រលេខ១៣៨/១៣៩ លើផ្លូវជាតិលេខ០១ ស្ថិតក្នុងភូមិលៀប ឃុំកណ្ដៀងរាយ ស្រុកស្វាយទាបខេត្តស្វាយរៀង ថ្ងៃទី២៩ ខែកញ្ញា ឆ្នាំ ២០២២ វេលាម៉ោង១៥ និង០១នាទី។
ម៉ូតូ ម៉ាក ហុងដា ពណ៍ខ្មៅ ពាក់ផ្លាក់លេខស្វាយរៀង១S-៩២៤០ ក្នុងទិសដៅពីកើតទៅលិច បើកបរដោយឈ្មោះ រ៉ុន ពិសី ភេទប្រុស អាយុ២៨ឆ្នាំ មុខរបរជាងភ្លើង រស់នៅភូមិបន្ទាយ ឃុំកណ្ដៀងរាយ ស្រុកស្វាយទាប ខេត្តស្វាយរៀង រងរបួសស្រាល (ពាក់មួកសុវត្តិភាព) ម៉ូតូខូចស្រាល។ រួមដំណើរឈ្មោះ ម៉ី វណ្ណេត ភេទប្រុស អាយុ៤៣ ឆ្នាំ មុខរបរ ជាងភ្លើង រស់នៅភូមិប្រសូត្រ១ ឃុំកណ្ដៀងរាយ ស្រុកស្វាយទាប ខេត្តស្វាយរៀង ពាក់មួកសុវត្ថិភាព របួសស្រាល។
ម៉ូតូ Smash ពណ៍ ខ្មៅ ពាក់ផ្លាកលេខ ភ្នំពេញ ១AP-៥៤៥៨ ទិសដៅពី ជើងទៅកើត បើកបរដោយឈ្មោះ សេក សុភាក់ ភេទប្រុស អាយុ៣៤ ឆ្នាំ មុខរបរ កសិករ រស់នៅភូមិលៀប ឃុំកណ្ដៀងរាយ ស្រុកស្វាយទាប ខេត្តស្វាយរៀង មិនពាក់មួកសុវត្ថិភាព របួសធ្ងន់ ម៉ូតូខូចខាតស្រាល។
ករណីនេះអ្នករងរបួសបានបញ្ចូនទៅសំរាកព្យាបាលនៅមន្ទីរពេទ្យបង្អែកស្រុកស្វាយទាប រីឯមធ្យោបាយទាំងពីរយកមករក្សាទុកនៅអធិការដ្ឋាននគរបាលស្រុកស្វាយទាប។
មូលហេតុ: ម៉ូតូ Smash មិនគោរពសិទ្ធ អាទិភាព៕
